فل الحجاج وخل عنك الهواجيس كلمات
فل الحجاج وخل عنك الهواجيس كلمات
فل الحجاج وخل عنك الهواجيس
كلن يموت وحاجته ماقضاها
واعلم ترى الدنيا تجارب وتقييس
مالك ومال الخلق تطلب رضاها
خلك مع اللي يطلبون النواميس
وخل النفوس الضايعه في غثاها
لازم محلك فوق روس التضاريس
مثل الصقور العاليه في سماها
ولاصار صدرك مثل حر المحاميس
دعوه لربك خاب منهو نساها
يكفيك من شر الليالي المعابيس
ويفرج لنفسك همها مع عناها
[the_ad id=”177″]
الشاعر الكبير سبيل بن سند الحصني الحربي
من ابياته
كم طيبِِ رده عن الطيب هلاس
قد نكلوه مخرمين الخشومي
جحادة المعروف مكيال الانجاس
مثل الرجال ولاعليهم وسومي
مـير الحظيـظ اللي غنـيٍ عن النـــاس
عـن مـدحة الطيب وذم الرخومـي
ومن ابياته ايضاً
حنا حَرار وكل حرٍ جزوعي
ماتمشي العوجا علينا مدانيق
.
ونعيش في مذهب عزيزٍ قنوعي
عن جارنا نبعـِد مدَى ساعة الضيق
وله ايضاً
للعوج رادع والقـوادي مداوير
ياللي تطابح في شرار الزنادي
جنب صقورٍ برقعوها الصقاقير
خلك لبيب ولا يطول التـمادي
وله ايضاً
[the_ad id=”177″]
حنا ليا شانت وزاد العنادي
ماطايحٍ بنحورنا كود مقرود
ماهي سواليفٍ تضيع ودوادي
علمٍ يخلي صايج الزمل مفرود
وله ايضاً
العام انا سامع هروج وتصانيف
من ناس ماتفهم كثير اللغاوي
ناس ٍ تحرّف وقع الأمثال تحريف
شجعان الالسن..باردين الهقاوي
وله ايضاً
هذا الزمان اللي كثيره بلاويه
اللي به المعروف يطلع جريمه
ليا زارك اللي زاوي الوقت زاويه
عليه من غبر الليالي وسيمه
وله ايضاً
البدو ليا طال الزعل و العنادي
يجلي الزعل عن خطر البدو شده
كل ٍ عن الثاني نزح لـه بوادي
و الله عطاهم سهلةً مجرهده
وله
ياراكب اللي ثلاث الحروف حاملها
الجيم والميم قبل السين مكتوببه
جمسن تصبه امريكا في معاملها
من البيت الابيض عليه رموز مصبوبه
وله ايضاً
يا الله لا تبقي للانذال دَيَّار
لا مِن جبَرنا ولا مع النايديني
النذل شوفه نار، ومرافقه عار
ماتنبغي له رفقة الغانميني
كَلامْ اقوله: وارفع الصوت تكرار
واللي يبي يزعل عَليَّه يجيني
مالي ، ولا عندي للانذال مقدار
الكامل الله.. خل عندك يقيني
