كلمات يا مرحبا يا هلا فلاح المسردي

يا مرحبا يا هلا والله يرضى عليك
مع انك ابطيت لكن مرحبا يا هلا
تصدّق اني نويت اسوق عمري واجيك
لكن دفعك الغلا حتى دفعت البلا

لاني لو اجيك بتصير المواضيع ذيك
وعلوم فيها من الازعاج قلّة حلا
ما دامك تحبني جدا وانا اموت فيك
ما فيه داعي توّكل للغرام وكلا

من راسي لراسك وعندك ومنك واليك
أما يدوم الغلا ولا يدوم الغلا
لكني انساك لا بالله واحبك وأبيك
ماني بناسيك لو قلبك يصد سلا

ما تدري اني بعد فرقاك كني دريك
راحت حياتي مع العربان بس و ولا
ما غير اهوجس وافكر واذكرك واحتريك
واطرد ورى طيفك اليا مرني وانجلا

الله يرضى علي والله يرضى عليك
لا عاد تبطي ترى قلبي كلاه الخلا
جوارحي كلها رهن لإشارة يديك
تبادرك بالغلا وتبايعك بالولا