دخيلك حسين فيصل
كلمات لطمية دخيلك – حسين فيصل
ها ببـو فاضـل دخيـلك
دگت اطبول الحـرب
علگ الرايـة ابمينـك
واگلب الحـومه گلب
نارك چوت دلالك .. نشمي مثل خوالك
زينب اباب المخيم عالنهر شافت رعد
نشدت وگالوا أخيچ زينب اعله الحومه شد
انته ذليت الشريعه ومنك العسكر شرد
من الوجود الطف محيته وجيبوا گلتلهم بعد
يـاليوسف ابجمالك .. نشمي مثل خوالك
وانته ابن شيخ المضايف وانته ابن عقد الوله
تنزل اعليهم اريـدك خويه مثـل الزلزله
ابسرعة طرف الگاع إلزمه وللسمه أشمر كربله
خلي تصطف الكتايب وأقره كلمن مقتله
ماكو مثل قتالك .. نشمي مثل خوالك
واسرچ الشگره وعليهم لازم اتضيع المفر
للخيم عباس اريدك بيدك اتسحله النهر
صارت الحومه سوالف والعزم بيك افتخر
گامت اتنادي جهنم بيهم انترست سقر
والطف شعر قرالك .. نشمي مثل خوالك
انته سلطان المنايه ومحد ابسچتك عرض
مغيمه والجيش ابركضتك شفته گدامك ركض
سيفك الطير رگابهم عـ العده بهمته انتفض
قررت الطف تعدمه ومحد اعليك اعترض
حته النجم دعالك .. نشمي مثل خوالك
يلا هوسات ابدويه هوس ابذيچ العرب
يابوفاضل والشريعه اخزرها بعيون الغضب
گامت اتصيح الكتايب هذا حيدر لينا طب
كربله لا ماتلحگ گامت اتلم الرگب
وهذا الزعل حلالك .. نشمي مثل خوالك
بيدك الويها الشوارب ياشبل حامي الحمه
هذا يومك يابوفاضل وانته راعي الموزمه
دخن ودرعم عليهم واصبغ الطف بالدمه
النهر بانت تهمته وانته سيفك محكمه
جيش العده انحنالك .. نشمي مثل خوالك
قصيدة دخيلك – حسين فيصل
اداء و الحان: حسين فيصل
كلمات: تحسين الخفاجي
من إصدار: تستاهل أكثر
الهندسة الصوتية و التوزيع: استوديو سيفن بمملكة البحدين
التصوير: فراس الحواج و علي الفردان
إدارة الإنتاج: عين الحياة للإنتاج الفني – مملكة البحرين
الإشراف العام: محمد شربتي
كورال: حسين الحمد و حسن عبدالرزاق
إنتاج: استوديو سيفن
الرعاية الإعلامية: شبكة صوتيات ومرئيات الشيعه
