قصيدة اه يحسين ومصابه كلمات باسم الكربلائي

كلمات قصيدة اه يحسين ومصابه مكتوبة بالفيديو

قصيدة اه يحسين ومصابه مكتوبة

آه يحسين ومصابه لجله العين سچابه.

يحسين يالذچرك ابطرف الساني

وحاشك لن يوم الوعد تنساني.

وآنه اعتقادي ابدفترك عنواني

وناجح الصار ابدفترك عنوانه.

يحسين ريجي الماي مايحلاله

من اتصوره ادموعي تظل هماله.

اذكر رضيعك من يبس دلاله

ابجمر العطش گلبه توج نيرانه.

ابماي العذب يحسين مانتهنه

ويحرم على اطفالك متشرب منه.

چم طفل ظل يجذب اعليه الونه

وچم طفله ظلت ظامية وعطشانه.

يحسين عيني من تصد عالشبان

اذكر علي الاكبر وشمعة عدنان.

چني اشوفه امعفر اعله التربان

والذاري جسمه امچفنه ابتربانه.

يحسين لو عريس عيني اتشوفه

اذكر الجاسم وانتحب عالحوفه.

من دم وريده خضبوله اچفوفه

وتسحگ على اطفاله خيل عدوانه.

يحسين والله من ذكرت امصابك

روحي توج ابنار مثل اطنابك.

واهجس ابگلبي اصواب مثل اصوابك

وسهم المثلث بالچبد نيشانه.