اترك الدنيا حسين فيصل
كلمات اترك الدنيا حسين فيصل
انا واحد من البگلوبهم حافر
التچويهم الدمعه بليله العاشر
انا الأتنفس ترابك من الزوار
واتفدالهم من خاطر الخاطر
خدمّتك بالطموح أول الأتمنى
وكلشي ما عداك ايصير بالآخر
انا من صغري طموحي غير الأول ما أصير
ماعدا الشي اليخصك أرضى حته لو أخير
لو تخيرني وقتها لحظة يمك ما احير
أترك الدنيه وأهلها وخادم ابابك أصير
انته يلي .. وجهك من اشتاگ اله
نبضي يسكت .. والگه گلبي ابكربله
يمن بيك أسست هيبتي وكياني
أحن ليك لو بعد شوفك بثواني
انته مو هسه قراري.. هذا بالذر اختياري
ياحبيبي…ياحبيبي ياحسين
[the_ad id=”177″]
ومن يجي ابالي محرم انا احسك انته جاي
تدري من أبچيلك انا انولد باللحظة هاي
سيدي واشعر قليلة من أگول انته هواي
كون أذوب اوياك گلي حته أثوب روحي ماي
بالمجالس .. حته صوتي ينسمع
وتعرفني .. واحد امغرگ الدمع
انا الشاب والطفل والكهل صفاتي
وانا البيك ميزت قيمتي بحياتي
من ابويه انته وصية .. عهدي يبقه للمنية
ياحبيبي…ياحبيبي ياحسين
.
ومن أعبر عن ولائي مو ملامح إنكسار
انا أدگ صدري وأكسّره حته اطلع منه نار
انته مو حيَّ الله دمعه لو عِباره لو شِعار
من اهل ادموع لجلك انا ماخذ بيها ثار
مانسيتك .. غصبن اعله الذاكره
روحي مجلس .. وانته بيها تنقره
انا وياك سيدي ماخفت ملامه
وانا لغار فكرتك جندي مو حمامه
راسمك باللوحه هايه .. موكب وگدامه رايه
ياحبيبي…ياحبيبي
سيدي گلي شسوي حته احس ابحزني راح
ليش ماتنطيني منك وحده من هاي الجراح
وين ماموجود ازورك حته بـالما مُتاح
اعتنيلك للمجره وبالكواكب استراح
انته بيه .. ساكن ابـنبضي عشت
حته اسمك .. من يگولون التفت
ملايين من گبل حجت الولائك
وانا احتار لوردت ألفت انتباهك
هذا هنياله بحياته .. يحظه منك بلتفاته
ياحبيبي…ياحبيبي ياحسين
اترك الدنيا حسين فيصل
اداء و الحان: حسين فيصل
كلمات: إيهاب المالكي
من إصدار: تستاهل أكثر
الهندسة الصوتية و التوزيع: استوديو سيفن بمملكة البحرين
التصوير: فراس الحواج و علي الفردان
مونتاج: زين العابدين بن علي
إدارة الإنتاج: عين الحياة للإنتاج الفني – مملكة البحرين
الإشراف العام: محمد شربتي
كورال: حسين الحمد و حسن عبدالرزاق
إنتاج: استوديو سيفن
الرعاية الإعلامية: شبكة صوتيات ومرئيات الشيعه
