القصائد الشيعية

كلمات قصيدة انساهم – سيد فاقد الموسوي

كلمات لطميه انساهم- سيد فاقد الموسوي

انساهم  سيد فاقد الموسوي

كلمات قصيدة انساهم

انساهُم .. والله ماينطيني گلبي انساهُم
فرگاهُم .. حارگ اعيوني دمع فرگاهُم
ياليالي المحنه
مايرجعون أهلنه
أنساهُم .. أنساهُم .. !

سافروا وتشاهدت روحي بدربهُم
اشما اشوف اللي خذاهُم مايردهُم
ماله داعي العُمر يطـول من بعـدهُم
كون اموت واندفن ذكرى بصورهُم

ايلوم حقه الماعرف . اهلي وعجبهُم
الله چان يحبهم . لـ طيبة گلبهُم

وياهُم .. حسرة حسرة أخـذوني أموت اوياهُم
ملگاهُم .. والله كل العافية ملگاهُم

خل يعيـد حـزنه
مايرجعون أهلنه
أنساهُم .. !

[the_ad id=”177″]

انساهُم .. والله ماينطيني گلبي انساهُم
فرگاهُم .. حارگ اعيوني دمع فرگاهُم
ياليالي المحنه
مايرجعون أهلنه
أنساهُم .. أنساهُم .. !

هايه ليله ابدونهُم وشلون ليله
بيها يگصر عمري والفرگة طويله
عاتبتهُم والسفر مابيه حيله
مايحنـون اعله دمعات العليله

وين ابوي حسين . مشتاگه اشتكيله
غير بس النوح . ماعندي وسيله

الگاهُم .. عايشين ابروحي دوم الگاهُم
معناهُم .. رحمة الله الواسعه معناهُم

من تفرگ شملنه
مايرجعون أهلنه
أنساهُم .. !

انساهُم .. والله ماينطيني گلبي انساهُم
فرگاهُم .. حارگ اعيوني دمع فرگاهُم
ياليالي المحنه
مايرجعون أهلنه
أنساهُم .. أنساهُم .. !

ياهو اليصبرني ياهو ايحـن عليه
ابيـوم واحد كلشي ضايع من اديه
انه بنت حسين ابو النفـس الزكيه
اسمع الوادم تقول شگد خطيه

الشوگ ضعفني وگمت . ماشيل اديه
ادعي بعيوني يرب . اشلون بيه

محلاهُم .. تارسين اعيوني يامحلاهُم
شرواهُم .. بايعه سنيني وردت شرواهُم

والحلم ما اظنه
مايرجعون أهلنه
أنساهُم .. !

انساهُم .. والله ماينطيني گلبي انساهُم
فرگاهُم .. حارگ اعيوني دمع فرگاهُم
ياليالي المحنه
مايرجعون أهلنه
أنساهُم .. أنساهُم .. !


انساهم – سيد فاقد الموسوي

كلمات والحان : الشـاعر حسـين البغـدادي

تاريخ النشر 30‏/08‏/2019

زر الذهاب إلى الأعلى