كلمات قصيدة بيرق حبيب يلوح
كلمات قصيدة بيرق حبيب يلوح
بيرق حبيب يلوح مرحبا بشياله
يرفرف على حصانه.
و عين الله تبرى له
ينادي يبو السجاد.
يا مقصد اللاجي
يا نور كل الكون.
في ليلة الداجي
أريد أخضب الشيب.
من جاري أوداجي
والله لجدد يوم صفين و اهواله.
عفت الحياة و جيت يبن النبي لجلك
كلنا يعزنا نروح فدوه الشسع نعلك.
بالخلق يا مظلوم ما ينوجد مثلك
و الفاجر ابن زياد حشم لك رجاله.
و من الخبا طلعت زينب المحزونه
تنادي يجاسم روح خل عمك يجينا.
و لن البطل عباس و العلم بيمينه
مثل الأسد و السيف مشهور بشماله.
قالت حبيب الليث بلغوا كلامي له
و قله الشهيد حسين قلت رجاجيله.
و حمل ثجيل يريد له عزوه تشيله
و خصه بسلام التام و اسأل عن أحواله.
وصلت رسالتها و هل الدمع جاري
تسلم علي زينب و شعظم مقداري.
خر للثرى ينادي و زند الحزن واري
و اقبل على الخيمه بدموع هماله.
سلم عليها و صاح صبري الهالمصيبه
عندي خبر ميشوم ما يمكن احكي به.
كل الذي يجري من حيدر ادري به
الله يعينك كان صار الذي قاله.
قالت دخبرني بجاه امي الزهرا
قلها تنظرينا كلنا على الغبرا.
و انتي على ناقه بين العدا حسره
متحيره بعليل خيك و بطفاله.
