اوف منه قلبي  اصيل هميم

چنت ما صدگ كلام الناس بالحب
والقدر لو جاب الك محبوب صدفه
چنت احس الشمس من تغيب أغيب
وتحضن آمالي الوساده حتى تغفه

انته من وين اطلعت
قبلك اني ما عشت
عمري ما شفت اني راحه
وغير همي ما شفت

لكن انته من اجيت
رفّت عيوني وبچيت
مدري والله شصار بيه
من عليّه سلمت
اوف منه قلبي
ضاع والله تعبي
راح ذاك تعبي

[the_ad id=”177″]

مأمون:
اني هم قبلچ حزين الصفنه بيه
وعيني نجمه وتيّهت درب المدار
بنص محطه وخلصت وگتي وحيد
شاب راسي ولا لحگت اخر قطار
ولما شفتچ مطرت الدنيا عواطف
وربعت صحرا المشاعر بالخضار

أصيل:
إنته كذبه لو حلم
فدوه ما ريد انصدم
ربي لا يحرمني منك
وعسى منك منحرم

إنته من اللحضه هاي
ما تشوف الا غلاي
ولا اشوفن غيرك انته
ولا يجي بعدك مهم
اوف منه قلبي
راح والله تعبي
راح ذاك تعبي

مأمون:
انتي من هاليوم وحدچ شهرزادي
واني وحدي بعينچ انتي شهريار
ياحلاة البسمة من أجمل شفاة
ويا جمال الأبيض الشابه سمار
ياقراري اللي اتخذته بكل قوايه
والحمد لله على هذا القرار