♫ كلمات أغاني خليجيةكلمات الاغانيكلمات الشيلات

ياوجهها كلمات فهد بن فصلا

كلمات أغنية يا وجهها فهد بن فصلا

تدانت الشمس عقب اشراقها للغياب
وتشرّع الصدر للضيقه وقال أرحبي
وصرت أنظر الكون كله من ثقب عين داب
وقمت أصفق براحة إيديني في روس ركبي

سجيت وأنا أحسب إن ما دمع عيني بصاب
والله ما وعاني إلا حرته في شنبي
والله ما وعاني إلا حرته في شنبي

وسريت أدور من الضيقه لرحلة إياب
لرضاك يا اللي زعلكْ وضيقتك بسببي
لرضاك يا اللي زعلكْ وضيقتك بسببي

[the_ad id=”177″]

رسايلك من ثمان أيام شك وعتاب
وعتابك وشكك أكثر ما يزيد تعبي
تنامت الغيرة وفكت على الشك باب
واستوطن الضيق في عينك يا عين الظبي

يا وجهها اللي لبسك الحزن لبس الثياب
قلي وش الحزن في ذيك الملامح يبي
يا وجهها اللي لبسك الحزن لبس الثياب
قلي وش الحزن في ذيك الملامح يبي

لو الحزن يستحي من وجهها كان تاب
الحزن ما يدري إن شكله عليها غبي
وإن دمعها لو يطيح تطيح دونه رقاب
وما يدري ان قلبها وصّى عليه النبي
وما يدري ان قلبها وصّى عليه النبي

كان الفرح لي رفيق وبعد ما غاب غاب
صار يتحشد ما عاد يمر كنهْ أجنبي
وشلون أبقوى فراق أبو الوساع العِذاب
وفراقه آمر من فرقا الأبو للصبي
وفراقه آمر من فرقا الأبو للصبي

حتى دموعه من مفارق عيونه تهاب
تنزل من عيونه الدمعة تقول تحبي
قولو له إني من مفارق عيونه مُصاب
وان منزله في الحشا من جاء يبيه يهبي
وان منزله في الحشا من جاء يبيه يهبي

وان في عيوني عن الخفرات غيره حجاب
لو ينقضون الشعور وينطلون العبي
واني ما خليت وقتٍ للدعاء مستجاب
إلا وفيه أرفع كفوفي وأبل هدبي

وقولو له إني في وجهه لا يطول الغياب
وانه من الحزن في وجهي وفي وجه ابي
وانه من الحزن في وجهي وفي وجه ابي

كلمات : مبارك المطرباني
ألحان : #فهد_بن_فصلا
توزيع موسيقي- تأليف وتريات وفواصل موسيقية
أحمد محروس
تسجيل ومكس وماستر : استديو تون لايف
تصوير : عمر عبدالله
توزيع ديجيتال وإنتاج مرئي : الفان

المزيد من كلمات الاغاني

زر الذهاب إلى الأعلى