كلمات أغاني شمه حمدان

كلمات أحبك شمة حمدان

أحبك بين قلبي وبين حالي
وتفز لشوفتك ، عيني الثقيلة

يبيك القلب ، لكنّي يا غالي
عزيز النفس .. جيّاتي قليلة

أنا في حُبي لك مشغول بالي
وهذا الشي من فترة طويلة

[the_ad id=”177″]

أخبّي الشوق لا شفتك قبالي
وأتمنى ، أشوفك .. كل ليلة

أسولف لك وأغنّي في خيالي
وأكتب لك أحاسيسي الجميلة

أحبك بس بيني وبين حالي
ثقيل القلب ، وإعيوني ثقيلة

كلمات معجبة شمة حمدان

واسِع خيالك ، إكتبه
آنا بكذبك ~ مُعجبه
ألّف روايات وقصص
الكِذْب عندك : موهبه

لو جيتني راح أجرحك
لا تقترب ما أنصحك
مثّل على غيري وعيش
ما عاد قلبي : مسرحك

دوّر ، عيون إمغمّضه
وكذبك عليها إفرضه
قلبي أنا المهر العنيد
إللي مُحال إتروّضه

كلمات: أحمد الصانع
ألحان: شمة حمدان
توزيع: موس
مكساج: أيسر القاسم

كلمات كذب من قال  شمة حمدان

كِذَب من قال ما أحبك وفيني ما أظنّه حس
كأنه حبنا جيشٍ كبير وحضرته جاسوس
حبيبي طالبك لقّن عذولي وحاسديني درس
أبي ترجع وتقراني من عيوني بلا قاموس

يا غالي وش تبي أكثر يا سادس هالحواس الخمس
فراقك حِلْم أزعجني ويجيني دوم هالكابوس
غيابك ليل يا وجه القمر ولا يا طهر الشمس
سواد وظلمة عيّى يفيد ويضوي الفانوس

تخيّل إنت ماتدري عن أحوالي من أول أمس
وصار الشوق مثل الموس وأبلَع من غلاك الموس
كِسَرْني البُعد وأشواقي رغم إنّي عزيز النفس
وصارت شوفتك حاجه تداوي قلبي المهووس

أحبك بس أحبك بس أحبك بس أحبك بس
وحبي كالوتد ثابت في داخل خافقي مغروس
صِدَق من قال أنا أحبك وإللي قال فيني حَس
واللي يقول ما أحبك حبيبي يُعتَبر جاسوس

  كلمات عاندت فيك شمه حمدان

عاندت فيك الكل ، وكبّرت راسي
ما كنت أسمع وشـ يقولون عنّك
خسرت كل الناس منّك يا ناسي
إلين طاح الفاس بـ الراس ، منّك
قالوا لي إنّك : عاشقٍ للمآسي
وإنّك تخون القلب ، والغَدْر فنّك !
قالوا وعادوا وإستفزوا حواسي
يا كِثْر ، ما قالوا لي : إنّك وإنّك .
يإللي وجودك في حياتي أساسي
فكّر . . . . قبل لـ تْغيب عنّي ، لأنّك :
أصبحت كل الناس عندي يا قاسي
وإن خاب ظنّي فيك ؟ ما خاب ظنّك

  كلمات نحن هنا شمه حمدان

كان الوعد ما بيننا
‏لا قالت عيونك تعال
‏ياللي هناك .. نَحْنُ هُنا
‏تكفى التفت يابن الحلال
‏عطني من وقتك دقيقه
‏شوف لك أيّت طريقه
‏الوله ما بل ريقه

[the_ad id=”1623″]

‏و ما قالت عيونك تعال
‏ناديت لك من غير صوت
‏إسمعني بشوفك و حِس
‏يا إنت أحيا بك و أموت
‏مَـ ابغى إلّا .. إنت و بس
‏ياللي مالك أي زي
‏قل بعينك أي شيّ
‏طمّن احساسي عليّ
‏و لا يهمّك قيل و قال
‏وشلون اشدّ الإنتباه ؟
‏من غير محّد ينتبه
‏ارسل أحد يحكي معاه ؟
‏ و الا أروح اعاتبه
‏حيرتني .. إلى متى ؟
‏أتبعك مدري من متى ؟
‏ أقلها قل لي متى ؟‏
و خذني على قد السؤال

كلمات : عبداللطيف آل الشيخ
ألحان : راكــان
توزيع : هشام السكران
ايقاعات : ابراهيم حسن
مكساج : جاسم محمد

المزيد من الاغاني السعودية

المزيد من الاغاني الاماراتية