كلمات اغنية عجبي محمد حماقي

مع إن كل الخلق من أصل طين
وكلهم بينزلوا مغمضين
بعد الدقايق والشهور والسنين
تلاقي ناس أشرار وناس طيبين

عجبي عليك.. عجبي عليك يا زمن
يا أبو البدع.. يا مبكّي عيني دماً
ازاي أنا اختار لروحي طريق
وأنا اللي داخل في الحياة مرغماً

سنين وفايتة عليا فوج بعد فوج
واحدة خدتني ابن والتانية زوج
والتالتة أب خدتني والرابعة إيه
إيه يعمل اللي بيحدفه موج لموج

عجبي عليك.. عجبي عليك يا زمن
يا أبو البدع.. يا مبكّي عيني دماً
ازاي أنا اختار لروحي طريق
وأنا اللي داخل في الحياة مرغماً

من رباعيات الشاعر الكبير: صلاح چاهين
ألحان: توما – حماقي
توزيع وميكساج: توما
ديجيتال ماستر: آمير محروس
جيتار: مصطفى اصلان
عود: إسلام الإبتي
إدارة إنتاج: ميدو فؤاد
فيديو: أحمد حمدي