القصائد الشيعية
قصيدة عباس اخوي وكفو مكتوبة – سيد فاقد الموسوي
كلمات قصيدة عباس اخوي وكفو
عباس اخوي وكفو . بس ضعني فاگد أخو
ليش الحسن مو بالضعن .!!
ويسد مكانك منو . ويسد مكانك منو
***
ها يخوي ولدي كلها اعليك تنشد وينك
شرد أگول چم سنه مرت ولاناسينك
نستراح موتعب بس نوگف امتانينك
چلمة الهم يـله محد گالها
وزينب امصدگه ترد حسبالها
وعيونهم…من باوعت
لبيوتنه…زينب بچت
وتگلي وين الحسن
شو مالحگني الضعن
ضعن الأهل . شو ماكمل .ويسد مكانك منو
***
ضعني راح واحد ايـباوع ابعين الثاني
حيلي راح وسمعت منهم حچي بچاني
شوف ابوي يمشي بس خطواته مال امتاني
ابعيد صاروا غير جدمي ايشيلني
جزوا اخويه وگعدوا امتانيني
مشتاگلك…وچبدي انمرد
ياحيرتي…وضعني ابتعد
اولهم آنه چنت
وإعليهم اتعطلت
جدمي عثر . ظهري انكسر . ويسد مكانك منو
[the_ad id=”177″]
يالحنين من مشينه ورفرفت رايتنه
انته وين اتذكرت كل الحچي البيناتنه
مره اجيت
وگلتلي نوصل كربله اثنيناتنه
يبو القاسم هاي تاليها صدگ
عاد نوصل كربله وخل نفترگ
اشتاگلك…شوگ الزغر
ياعازتك…ذلة الهجر
يالگتلي اشيل اللوه
ونخلص الطف سوه
تغير شنو . ها يالأخو . ويسد مكانك منو
***
بالله ليش محد ايعذره اليفارگ غالي
وين اروح ابكلشي وجهك گام يتراوالي
كون اموت ولا اظل الذكريات ابالي
اوداعة الخوه صدگ هجرك ثگل
الدنيه باگت ضحكتك ماريد اظل
ياهيبتك…لو بالخيم
ياعازتك…حيلي انهدم
لو واصل الكربله
تسمع بچي العايله
نبلة وطفل . چف وحبل . ويسد مكانك منو
***
حطلي راي يالحسن وحدي وحرمكم حايره
حيره هاي بالخيم بيك التهي ماصايره
عالتراب بالي يمك والحوافر غايره
طايح ومشتاگلك والخيل إجت
بالي يمك وهيه سحگتني وجزت
ياخاطري…توه انكسر
ياروحي…شبعت فهر
بالخيل إذا انسحگ
أهون ولا نفترگ
ذكرك يمر . مثل الجمر . ويسد مكانك منو
عباس اخوي
اداء : الرادود سيد فاقد الموسوي
كلمات : الشاعر محمد الموسوي
