مهجتي من الشوق محتده
نارها من البعد وهاجه
ننتظر شوفه لنا مده
مثل منهو يرقب افراجه

أعشقه واهواه وآوده
واهتوي طبعه ومنهاجه
بو يدايل سود منهده
ع المتن لي ضاحي اسراجه

كل زين الكون في قده
ما ترك من الزين اي حاجه
وان حكى من حوله يشده
من غزيره تجذب امواجه

ما طفق بالقول ويرده
وما يتلعثم وقت لمواجه
له غلا عندي وصل حده
وكل غيره نرفض ازعاجه

هو مراد القلب ويسده
راحتي كل عوقي اعلاجه
موت قلبي بعده وصده
لا عدمنا رسمة احجاجه

كن شروق الشمس من خده
ترف يملك من الحسن تاجه
يا عسى ما يطوّل المده
والجفا ما يرفع اسياجه