واقف مصدوم في مرايتي كلمات نور الدين الطيار

واقف مصدوم في مرايتي
حبايبي ليه قتلوني في حكايتي
بحاول أخبي دموعي
حتى اللي كانو يوم جمبي جرحو قلبي
وقتلوني وكانو مبسوطين بدموعي

وانا بس ايه كان ذنبي أبص جمبي
ألاقي اللي مني كرهني وبيخونوني
الدنيا ياما اذيتني وعلمتني
ان حواليا أشخاص كتير مستنية وقوعي

بقوم من نومي مفزوع
دايماً بكون المخدوع
بحاول أهرب من وجع قلبي
على خدي بتنزل دموع

بسأل نفسي أنا ابقى مين
تايه طول عمري وحزين
بكره هتدور السنين
وهعرفكم أنا ابقى مين

الدنيا ياما جرحتني ودوّختني
وعيشتني في وهم مات بالنسبة لي
شوفت الخداع دانا عمري ضاع
عشت في ضياع
وسط ناس جرحو قلبي ليالي