كلمات يا الحبيبه – عمرو حسن

كلمات يا الحبيبه  عمرو حسن

يا الحبيبه..مشتاقلك
واذا فاكره ان البعد بيفرق متهيألك

في في عيني مكان شبه اللمعه .. اتحجر بعد مكان دمعه
لنا عارف اقول وابوح للناس ولا عارف اخبيه جويا..

لسا في عيني اجمل واحده، لسه ف قلبي اول واحده و..اخر واحده
لسه ف بعدك وانا بين الناس حاسس وحده..

اصحابي لاموني عشان حبيت واني اتعلقت
بيقولو جراح بعدك هطيب ومسافة وقت..

عارفه المشكله اي في غيابك ؟
ان انا حابك أكتر دلوقت..

بمشي علي ازاز وجعك حافي..
وبقول للناس اني انو تعافي.. اني بــ Move On

حاضن سماعتي وتليفوني وصوت مزيكتك
ومصاحب نوته وكوبايه وشوية بن

انا بكدب..كل اما بقول اني كويس وسليم
يومي مجرد يوم متكرر وسط الايام..
وكلامي عن الجاي من غيرك دا كلامم ف كلامم

انما عمري ما حسيت بسلام اوراحت بال..
غير علي ايدك
ساعتي ماتمشيش غير لو كانت علي مواعيدك

حوطي بضلك علي داري ونسكتي خيوط..
وعرفت سكون وانا وياكي ميعوضهوش في الدنيا بيوت..اديني اشاره انك سامعه وانا هفضل باقي علي وعودي..
اديني اماره انك راجعه وانا هستناكي لحد ما اموت..

الشوق لا بايدي ولا بايدك ولا دخل الناس..
والحب.. ارادة رب الحب الي جمعنا وسط الاحداث
لا في حد بيختار الميله..ولا حجم الشيله.. ولا الاحساس..
والعقل ف اي علاقه مجرد مشرف عام..
يكتب تقارير عن فشل القلب وعن امل الناس ف الايام، انما ف الاخر تقريرو لا بيعدل حال ولا يؤخذ بيه
القلب الامر والناهي والحاكم في الشوق وف لياليه..
وانا.. قلبي الي دفعني لحبك
دفعة سباح هاوي في موجه
اداكي كاريزمه وحسن حضور واداني لجوء ليكي وحوجه
وصلابتي وجلدي وطول صبري مطغاهم بجمال نوجه

وانا مش شاعر وسط الهوجه ولا جايلي يومين وامشي لحالي..
اناشاعر ليه وزن وهيبه وكلامو بيطلع ف الغالي
ف اذا قلت كلام يبقا انا قصده..
واذا قلت ملام يبقا انا بعنيه
هنا مش درويش رهن قصايده…
هنا في انسان وانتي وحشتيه..

انا مشتاقلك..مشتاقلك
شوق السارح لرجوع باله
شوق متغرب وحشو عياله..
فاقد شغفي ودفا انفاسي فاقد رغبتي ف البوح حتي..
حسس اني فقدت حواسي
بعد غياب الحاسه السادسه، وعشان انساكي عملت جهود
كل المفروض لاجل انساكي والشئ الي اقدرت اوصلو ان انا بتعافي وانا معاكي

ودا مش ذنبي.. سبحانه الي ف سكتي جابك
واداكي قبول..
خلاكي النجم ف ايامي وخلاني اطول
واذا عايزه الشعر يلين ليكي وعايزاني اقول
اسمعي قولي..

بليقول الشاعر يا حببتي..
مش لاقي بنات بعدك غيرك
ولا ليا بلاد شبك تاني
يا الفعل الخارج من قلبي يا الكلمه الصادقه علي لساني
كل ما تبعدي بيزيد قربك..
وشاريكي ف عز ما سيباني
قولي اتحرك ونا اطير عندك قولي استنا وهبقي مكاني..
طيبي خاطري بكونك جنبي..كملي نقصي..
وشدي عيداني..
الحزن ف حضنك يرضيني، والفرحه ف بعدك وحشاني
والشعر الي انا كاتبو بحالو لوالا ما جيتي لولا مجاني
لو كان عاجبك شعري يا بختي واذا مش عاجبك هكتبو تاني..
انا مشتقالك واذا فاكره ان انا لحظه نسيتك متهيالك..
لسه ف عيني والخ الخ
عندي استعداد افضل احايلك ان شالله اسرق سطرين م الجخ
بس تعودي وبعدها عادي

مهما تجيني صعاب محلوله مدي ايديكي وخدي ايدي عشان اخرج م الدايره المقفوله
انا مشتقالك واذا فاكره ان ف لحظه نسيتك لسه ف عيني اجمل واحده
لسه ف قلبي اول واحده واخر واحده
لسه ف بعدك وانا بين الناس حاسس وحده
انا مشتقالك انا مشتقالك مشتااااق لك