كلمات مهرجان ياللي الحريم لعبتك تامر النزهي
كلمات مهرجان ياللي الحريم لعبتك تامر النزهي
تامر النزهى
ياللي الحريم لعبتك حرص من الشياطين
داين تدان و افتكر ماشية سلف على دين
كتر الذنوب يتعبك تتسوى عالجنبين
اوعا الغرور يركبك تصبح من الخسرانين
السيد حسن
ماتسيبش المخ يسوحك كله اتخلق من طين
يكعبلك جري الوحوش لو بس همك مال
تامر النزهى
علي كله لازم تدوس منك ضميرك اتشال
مفيش كسوف ولا عيب مفيش حرام وحلال
السيد حسن
مش مهم ازاي تنول سايق حتى فى الشمال
خد بالك يا معلي البرجين الرك عالاساسات
تامر النزهى
ماتجيش وتظلم الغلابة ظلمك اخره ظلمات
هتعمل اي ف اخرتك يوم الحساب كله سكات
السيد حسن
لو الرجولة ببلاش الندل يبقي سعره كام
متلخبطين وسط الزحام مين ورا مين اه قدام
تامر النزهى
زمن الفلوس زمن الجنيه هو اللي يخلص الكلام
بالعافية دى مبقتش زوق يرحم زمن الاحترام
السيد حسن
بلاش تامن للجبان طول مالجبن طبع فيه
الواطي بنيته زمان هدك و ماتمرش فيه
تامر النزهى
قبل مايغرك الجمال دور و شوف الاصل اي
من المظاهر خلي بالك مين عارف جواها اي
السيد حسن
الاصيل يصون جميلك سيبك من صاحب فلوس
لو ممعهوش تلقاه ف ضلك يمسكها عليك يدوس
تامر النزهى
شلة كلاب بيهوهولك طول ما ف اديك الفانوس
وقت المصايب عيش لوحدك لما بتتبدل نفوس
تفضل تدور متلاقيش حد يشيلك ف المحن
اقرب الناس دا يبيعك لو هايقبض التمن
الاصيل معدش فيه عملة نادرة في زمن
والصاحب بايع وخاين والاخوات لا تؤتمن
السيد حسن
بغيرك انت شاغل نفسك و العبر كلها فيك
طب حاسب ماللي جيت عليه لما يرد القسوة ليك
تامر النزهى
قليل البخت يا جدع لكن المقام عالي
معدن دهب وسط ناس ماليها ولا غالي
انا حر نفسي مالى سيد بعمل اللي يحلالى
مايهمنيش اي كلام ولا بيه شاغل بالى
كلمات مهرجان ياللي الحريم لعبتك تامر النزهي
كلمات مهرجان ياللي الحريم لعبتك تامر النزهي 2022
