كلمات مهرجان ولا بنخاف كزبره ومحمود الحسيني

يا مساء الجلونة وقله الجدعنة
في زمن اللف والدوران
بقى موضة وشبحنه
سيبك من الهنجمه
عشان انت مش حملها
دي لو دقّت طبول الحرب
يا ابني احنا قدها

ولا بنخاف ولا بنجلي
خد كشاف مش هنسمي
احنا عصابة بنخش نشفي
ف انت خروف تتقطع مندي
لو عالفكة عادي بنضيع
لو عالعافية انت هتتقطع
خمسه هدوء يا بطل من فضلك
خف كلام علشان بنصدع

يِخلق من الشبه أربعين
بس انا بره عني المثل
أنا نسخة واحدة مليش بديل
وبينضرب بيا المثل
فضلت أدور عالاصيل
ملقتش غير ناكر الجميل
لو عالنصيحة اسمعها مني
تعيش سالك تبات قتيل

عزوة وسلطة مش هتطولنا
تقلب قطة لما تشوفنا
بشوات ياما ضيعنا وشوطنا
واللي وصلنالو ده بمجهودنا
خدمة عملاء بنهندلكو
نقلب أُمنه ونفتشكو
تيجو على جمب ناخد بطايقكو
خلصت معانا انتو وقعتو

خبطت في راجل جدع
بصيت لقيتها مرايه
لما ضربت الودع
ملقتش غيري معايا
الصبر حلو خلاص وهانت
كلها راجعة زي ما كانت
قررت اكون جدع مع نفسي
ومش هعمل حساب لواحد

لما بتتكلم عن نفسك
انت مفيش حد بيسمعلك
روحت اكشف علشان مش شايفك
اكتشفت ان العيب عندك
انت مهمش ايوا مهمش
مهما تقول برضك مش شايفك
تيجي في الضهر تقعد تتكلم
وفي الوش تشوفني تتنح

من يومنا و احنا تقال
منخفش يا ناس من بشر
اللي ما يشوفش من الغربال
يروح يكشف نظر
قلوبنا قاعدة وعضمنا أنشف من الحجر
مدام وقعت معانا
يبقى انت وقعت في خطر

مقالات ذات صلة

كلمات أغنية فاجر- عمر الكروان وسيف مجدي

انا مش على كيفكم سعودي كلمات