كلمات مهرجان ممنوع حد يقرب منك

خايف يسمعني ويكشفني
إني أنا كذاب ويعرفني
إن أنا موجوع
أنا فعلا بصرخ في سكاتي
دايما في مطاردة مع حياتي
فرحي ده ممنوع

ممنوع حد يقرب منك
أيا وحش الكون يا سابق سنك
واديني حظرت
خلخالك عليه حته دين رنه
وبتمشي عليكي شنه ورنه
اي ده كله يا بت

اي ده كله يا بت شو هالعظمة
طب هو فيه كده بقا بالذمة
بطلي جمدان
تستاهلي انك تسكني حضني
اوعي الحاج باباكي يرفضني
هعمل قلبان

قلبان آخ على اخواته وارد
ويقطعهم بسلاح بارد
عجبي عليه يا زمان
الخوف مش من الموت من الدنيا
علشان الدنيا بقت فانية
طيب تتهان

طيب تتهان جاحد تكسب
هتعيشها غلوبه هتتقلب
الدنيا شمال
اوعى تأمن حد في عيشتك
عايز صاحب صاحب نفسك
كترو الأندال

أندال
دول اسم على مسمه
شغلتهم يدخلو في اللمة
ويفركشوهم
وصحاب صحبتها دي بتخسر
ياخي يخربيت الروج الاحمر
جن اللي جابوهم

جن اللي جابوهم وروشهم
وكمان فتشهم في قروشهم
علنو الإفلاس
يخربيت الحورمة القادرة
خلت رجاله كانو جبابرة
بقو ليها مداس

ليه يا طيخا
كبرو علينا تلاميذنا
وابن امه يا طيخا محسسنا
انه بقا كبير
يا عصام مهما الاسد يكبر
ليه مقامه هيفضل يتقدر
ويشوف تقدير

يخربيت آبو ام الميديا
عملت أبطال من ناس فاضية
بقا ليهم هيبة
مهما الأشبال هيطاردونا
هتفضل كروان وانا افيونه
بين اللعيبة

أنا جوكر مين يقدر يندبني
أنا ابطالكو بتتجنبني
وقتي ده بفلوس
اسمعني يا خبئ انت وهو
مش جاية بزوق هتيجي بقوة
وعليكو هدوس

الجوكر ده مخصم خوفه
هيشوفك اوي لو هتشوفه
ده وزير جدعنة
كل الناس تتمنى اصاحبها
دنيتي حاطط ايدي في جيبها
عايش في الهنا