كلمات مابهربش مسلم

اسمع غناكي يرد فيا الروح
و انده عليكي بصوتي مش مسموع
ماشي لطريق عارف ما منه رجوع
هوصل لفين .. ؟ معرفش
، و انا ازمتي .. مبهربش
بشوف وشك ، ليه في القهوه
و بسرح ف السما السآبعه
تاخدني عينيكي لمكاني
و انسى همومي و ألامي
و احس معاكي من تاني
طريقك شايفه عِمياني
لكن الغريب ..
, انا بعرفه باللمس
لأول مره من عمري بحس بخوف
فيه سر ف غيابك .. مبفهمهوش
ليه حضنك ابعد من حدود الكون
واقف على اعتابك لأخر يوم ..
نسيانك ، دا مضمنهوش
صابر سنين تفصل مبينا بلاد
زاد الحنين و قلبي كله حداد
ويآك لفين ، و عمري لو يتعآد
لو باقي ثانيه ف عمري هستناك
.. طُلِ م البرواز
مليش عشم ف غيآب
ليه تفوتني و انا مشتاق
و ليه تفوتلي كاس املاه
شوفت الدنيا بعيونك و ضمتني
ليه سيباني لغيابك يموتني
مليش الحق ف عتابك ، دا شئ حتمي
و مليش غيرك حبيب دلوقتي يسمعني
نسيت كنت من قبلك بعيش ازاي

و مليش من بعدك مفيش يوم جاي
دا مفيش ثانيه بتفارقيني و لما بنام
بغيب ارسم ملامحك حتى ف الاحلام
بقى دا اللي وصلنا ليه يعني
تروح روحي و ترجعلي
عيونك ، لو تضيعني
انا راضي باللي ترضاه ، لي
بقيت مش عارف ابقى انا مين
ولا فارق بقيت انا فين
مفيش غير حل م الاتنين
تعيش فيا ..
.. يا اموت انا فيك: