كلمات اغنية كذا غناء صالح اليامي

سم ياطرق الهجوس وهات ما يعجبنا لين اغنيبك فخر وايقال صح السانه

وان كثر صوت العرب رحنا على مرقبنا نخلط من الفكر لولوّه على مرجانه

ياسعد بيت المكارم فـ المعالي يبنا يحجبونه بالمواقف والنسب عمدانه

والله لولا الله وعقبه ذكرنا ما طبنا والصحيح ان الصميدع تنتبه جدّانه

[the_ad id=”177″]

لو يتوب الشعر عن زين النبا ماتبنا ويش عذره من تراحيبه ومن ديوانه

سلمنا لامن تقدم للعرب شايبنا كلنا صرنا عيال العود والا اخوانه

بندقٍ لك يا ابوسالم واحتزم وازهبنا من طرى له طاريٍ خذها على ذرعانه

وان حضرنا نرهج الميدان واليا غبنا والله ان يقال ذاك اليوم ماله خانه

يوم جينا للصياهد يا ابن عمي جبنا ويضحان تحزن الطاغي على طغيانه

نندب الرمانه وكن السطر يندبنا الرقاق الطافح المتسند العريانه

فرّعي وابن شريّد مطربش واطربنا جاب رمانات وضح وقلّد الرمانه

علّم اللي زايدٍ في طيشه ايجنبنا روسنا تدجر مع البل وابلنا دجرانه

لا اقبلن مرع الغوارب صوبنا رحبنا واحدتهن من سطرها كنها سكرانه

والجنب حنا وحنا ما تختلف مذهبنا انتقدم لين راعي الشان يعرف شانه

ان وقفنا شرهة الحانا على شرّبنا كان ماجات الخلوج اتهادر وعطانه

كل ماقمنا نزعزع شايبٍ عربنا ندحم اللي جوخته تجرح قطاة احصانه

واحتزمنا بالقنازع يوم جا واجبنا مانشوف اطلوح نجد ونوفي الديانه

الاغنية من كلمات شبيب بن شبنان والحان صالح اليامي