كلمات عهد بيج ادم

وكأني عايش علي الفراق بيني وبينه عهد
افارق كل شىء مهما يطول الوقت
وكأني ببني قصور علي الرمله ويجي المد
يهد كل اللي بنيته وجوة روحي يهد
معتش فيا غير حبه الم فاضل
في لعبه الحياه مفعول ومش فاعل

وكل مادي جزء مني باقي يموت بالبطيء
عقلي مستسلم تماماً قلبي مش قابل
وكأني عايش كل لحظه في حضن روحي غريق
عطشان بريء مش لاقي غير الحزن بله ريق
واقف لوحدي في ليل طويل من غير دليل وطريق
زحمه فراغ والبرد سارح بين ضلوعي حريق

معتش فيا غير حبه الم فاضل
في لعبه الحياه مفعول ومش فاعل
وكل مادي جزء مني باقي يموت بالبطيء
عقلي مستسلم تماماً قلبي مش قابل