كلمات اغنية انت اختيار تامر حسني

النهاردة سمعت منها
كلام عنها وعني
كلامها اثر فيا خلّى
دموعي تنزل غصب عني
وقالتلي

دخلت حياتي في وقت كنت ضعيفة فيه
غيرت رأيي وقولت لسه الناس بخير
وبقيت مهم عندي عارف قد إيه
خليتني أحب الحب لأ وكمان بغير

غيرت مشاعري بقيت بحب وعارفة احس
بعد اما كنت رافضة فكرة الارتباط
بقى عندي انت اغلى حد عندي بس
بقى عندي انت خلاص بطل كل الحكايات

انت اختيار من بعد صبر سنين كتير
انت السند والضهر والحب الكبير
انت الرجولة كلها ما فيهاش كلام
انت اللي بتحسسني دايماً باهتمام
قالتلي انت مصدر سعادتي في الحياة

قالت عاملني اني بنتك لو غلطت
وانا وعد مني اني عمري ما زعلَّك
وعمري ما ازعل منك انت مهما قولت
وانا من البداية في كل حاجة هسألك

قبل اما تبقالي حبيب ابقالي أب
احس بأمان في حضنه يدافع عن حياتنا
وأما ابقى أم هفضل ادعي واقول يا رب
اعيش واموت في حضنك وفي حضن ولادنا

انت اختيار من بعد صبر سنين كتير
انت السند والضهر والحب الكبير
انت الرجولة كلها ما فيهاش كلام
انت اللي بتحسسني دايماً باهتمام
قالتلي انت مصدر سعادتي في الحياة