كلمات اغنية ايه دبوس ابن دبوس جفران بن هضبان
كلمات اغنية ايه دبوس ابن دبوس جفران بن هضبان
القصايد والمدايح والافكار الجداد
مبطيه مني وانا مبطيٍ منها ترا
لين عادت بنت الافكار والهاجوس عاد
واستوى الابداع والشعر والساري سرا
ياهل الصفر استعدو لـ ملبوس الحداد
جاتكم من سيرها فيه كِبر وبخترا
من كويت العز سارت ونيتها الهجاد
وانزلت وسط الصياهد بيانٍ وجهرا
كل صفرن تكسب الفوز قدام العباد
هذي والله ندر الصفر ياهل الندرا
كبر راسٍ كن كبره كبر صندوق زاد
والاذاني خرع ورقابها جرد وعرا
والسنام المنفهق والمطاليع السناد
وغاربٍ منقاد والني مردودٍ ورا
لامشت كن خلف عرقوبها ضرب الزناد
تهتوش ماكنها اتسير من فوق الثرا
جابها اللي لا خسر عندها دينار زاد
ايه دبوس ابن دبوس رداد البرا
حرنا اللي لا طلع للمطاليع البعاد
يكفخ بجنحان الامجاد قدام المرا
كل عام يهز وضع البدو والاقتصاد
يحذف المليون حذفة زقاره لا شرا
ماجمعها مطمعه فالغبوق وفالقعاد
ما يبي الا يلطم الشوط والعالم ترا
وماشراها له شريطي ولا راعي مزاد
عندها عبدالله حجاب وسباعٍ وذرا
من يخاصم لام ماضن يهنا بالرقاد
ليل اسود من سرا وسطه امحق من سرا
روسٍ اتقود العرب ماهي بـ والله تقاد
الفضول اتفاخر بـ ذكرهم لامن طرا
لين خلو ندّر الصفر ماركت البلاد
متعبت تجار وشيوخ قومن و اومرا
مشتراها كاش ياللي تعدون العتاد
ولا شيك اصفاره اكثار صعبٍ ينقرا
وما يهم الشوط بالمشترا ولا التلاد
تلطم الاشواط بـ تلاد ولا مشترا
من يحسب انه برا جرحه وجا به عناد
دام ابن دبوس موجود جرحه ما برا
فالفحيحيل النخب فالفحيحيل الشداد
من درا يعلم اللي هقا ولا درا
كلمات اغنية ايه دبوس ابن دبوس جفران بن هضبان
كلمات اغنية ايه دبوس ابن دبوس جفران بن هضبان
