كده خالصين كلمات زياد الدساس
كلمات اغنية كده خالصين زياد الدساس
كل مره فيها كتبت كنت بحاول اطلع كبت
منسيتش حد بس انا اتنسيت في اسرع وقت
كنت اسعد خلق الله و مبقتش افرح شكلي اتحسدت
قدّمت السبت بس لقيتني الحد اتسابت
حكيت انا سري لـ صاحبي بس لقيته اتنشر
فـ وصلت لدرجة إني خلاص مبقتش اصدق بشر
ملقيتش حد جمبي ولا لـ خاطري جبر
العتمه ملت قلبي عندك حق انا زي القمر
و انا مش متأكد .. بعدك بقيت متنكد
وعدك ده كان متفبرك سايبك للي بعدي هاينك
و انا عيشت معاكي هلاك فـ كان لابُد إني ابعد
طالما إنتي مش ” ملاك ” طب قلبك ليه عليا بيتمليك ؟
فوّقي و شوّقي و دوّقي ما كله منك داق
تزعلي و تحزني و ترجعي ما الكدب عندك داء
و لو إنتي إبتلاء فـ انا راضي بقسمتي و نصيبي
الحمد لله إن انا المتساب و إن إنتي قدرتي تسيبي
على ايه حزين على مين ده انا ضاع من عمري سنين
ما انا حضنت كتير بس لقيت انا ضهري إتملى سكاكين
قولتلها نرجع ؟ و مردتش بس عملت سين
كده خالصين .. زياد و عاشرت ناس ناقصين
انا مش رومانسي فـ كان طبيعي إني ابقى منسي
قلبها يا صاحبي كان بالأجره تقولش قلبها تاكسي
احلى مسا عـ الغدارين على الخاينين بمسي
محدش كان يستاهل احبه من قلبي الا نفسي
محتاجتش دكتور نفسي إحتاجت مصحه كامله
خُلقي بقى اضيق من حتة جُحر نمله
مروحتلهاش اخر مقابله و سيبتها في مكانها
كانت فاكرة بنت الهبلة إن انا هموت عشانها
فنان على المَعاش بـ قلب في الانعاش
لما رصيدي خلص كانت علامه عشان مكلمهاش
حبيت اوباش .. انا قلبي داب او باش
بلاش اشتري في ناس ملهاش تمن ببلاش
و اديك فهمت و استنتجت مش زعلان على بت
بس ده فن و الاهم لما تسمع تبقى حزنت
قد اما تعبت انا اتعلمت إني ابقى محزناتي
و انا ولا مره عليك كدبت كله من واقع حياتي
على ايه حزين على مين ده انا ضاع من عمري سنين
ما انا حضنت كتير بس لقيت انا ضهري إتملى سكاكين
قولتلها نرجع ؟ و مردتش بس عملت سين
كده خالصين .. زياد و عاشرت ناس ناقصين
الاغنية من كلمات والحان ومن توزيع زياد الدساس
يمكنك الاستماع إلى الأغنية من خلال الفيديو كليب الرسمي التالي:-
