غصب عني كلمات-مسلم و زاب ثروت
كلمات أغنية غصب عني – مسلم وزاب ثروت
في عالم خيالي خيالي
هبني مدينة على مزاجي
في عالم خيالي خيالي
هبني مدينة على مزاجي
غصب عني غصب عني
بهرب من كل حاجة مني
غصب عني غصب عني
بهرب من كل حاجة مني
عالم خيالي مجرد من الحساب
خد وهات
الحسابات اصل تعبنا اللي فات
اللي فات فات مات
احرق كتاب الذكريات
تخيل غمض عينيك مع المزيكا روح واحلم
بمكان امان فيه باسرارك ممكن تبوح
اوعى تبقى آخر عاقل جوه عالم مجنون
اسرح بالخيال وسافر بره حدود المعقول
لو معايا في امنياتي يلا ويايا قول
صاحبي ما تيجي نروح نتوه في رحلة بعيده
يمكن مركبنا توصل ترسى بينا في ارض جديدة
في الحقيقة مش مضمونة النتيجة
بس اكيد في يوم هيحصل والحياة تبقى سعيدة
العمر ما يكفيش مش حمل اضيع فيه
لا هممني دلوقتي ولا عامل حساب بعدين
ضيعنا وقت كتير بنراضي ناس تانيين
مش حمل انا التأنيب ولا أصعب على نفسي
وعلى فين هنروح
ما بقتش فارقة رجوع
لو بس أكون مبسوط
ده اللي هممني
تعبت من التدوير
أنا عايز أبقى بخير
وأهرب من التفكير
لمكان يطمني
بعيد بعيد عن وسائل التواصل
عن الود الكذاب اللي في عالمنا حاصل
بعيد عن اللي قاصد يكون بكلامه حاصد
مكانه عند حد خلت كلامه وقلبه باهت
راقت الدنيا قصاد عنينا لما قلوبنا فاقت
بانت حقيقتنا ايه لما المشاعر ساقت
راجع اراجع نفسى قبل اما امشى واباعد
جايز اجتاز المحنة ويسامحنى اللي عايز
بعيد بعيد
عن أي شر أنا السبب في وجوده
بعيد عن أي خير عملته عشان أقوله
بعيد هناك في أرض جديدة بعيدة تانية
بعيد عن النفوس السابعة والأطماع الفانية
مين اللي شاف قلبي ويعرف اللي فيه
نفسي اللي اعمله ما بقاش مجبر عليه
الوقت كأنه واقف ما بقتش أحس بيه
لكنه بان في شكل كبرته وده الغريب
أكسر حاجات وأخسر حاجات اكتر ويارتني سبتها
مهزوم يبص على الدموع يفشل في انه يعدها
جايز بقيت مسجون في كذبه اللي كذبتها
كل أما اقول عايش بلاقي الخوف بيثبت عكس ده
وعلى فين هنروح
ما بقتش فارقة رجوع
لو بس أكون مبسوط
ده اللي هاممني
تعبت من التدوير
أنا عايز أبقى بخير
وأهرب من التفكير
لمكان يطمني
وعلى فين هنروح
ما بقتش فارقة رجوع
لو بس أكون مبسوط
ده اللي هاممني
غصب عني غصب عني
بهرب من كل حاجة مني
غصب عني غصب عني
بهرب من كل حاجة مني
