شيلة نزاحه فهاد العلي

قومي العبي ورهجي الميدان
قومي العبي شعللي الساحه

يابنت شيخن وسيع بطان
انتي على الغيد ذباحه

بالاذن يامعشر النسوان
لاشوف من ترمي وشاحه

اليوم علمً عليه رهان
دشت على اللعب نزاحه

تفرجن واكحلن اعيان
لو. كان يلحقكن نياحه

ياللي لعينك قصيدي زان
الشعر يجني بك. اربااحه

مثل ابن دبوس علمه بان
في صيهد منيف ورماحه

في مفرعك مقتل الشجعان
كلن يسلم لك سلاحه

وفي رفتك لمحة الشيهان
لاشاف بالعين. ملواحه

في. ضحكتك لمعة المرجان
والخد خوخه وتفاخه

وفي نحرك المزن والربان
يضيع برقه. ومسباحه

الخصر مياسن وريان
ميال لاهبت ارياحه

مثلك مادوج مع العربان
هيبه. ورزّه ومزاحه

دمك عسل مصدره لبنان
والشكل من شاطي الراحه

ياشبه نوارة الحوذان
في وسط روضن وفواحه

من اول الوسم بالوديان
بفروع حامر ونضاحه

وان عودت للفخر. وزيان
بلوىً. عليهن. وفضاحه

ومني نصيحه وبالمجان
اقل شي اكسبن راحه

غالي مطر