شيلة غصبً علينا الكلمات

عسى مبخاطرك شيً علينا
اذا اخطينا ترانا مادرينا

خذاك الوقت منّا وانت غالي
وخذانا الوقت منّك والتهينا

ووقتً معك ماننساه كانك
نسيته لاتحسب انا نسينا

رعاتس الله ياذيك الليالي
ليالي ماتعوّد لو حكينا

غلا واشواق واحساس ومشاعر
خذانا العشق من يوم التقينا

لكن هذا الزمان وذي ظروفه
وبعض الاشيا تجي غصبً علينا

يكم غالي سمحنا من وصاله
رضينا بغيبته لو مارضينا

وكم غالي بدون اسباب قفّى
وحنا ما خبرنا قصور فينا

سلينا عنه ماكنه جرحنا
بحفظ الـلـه دامه مايبينا

وكم قلبً من جروح المحبه
غدى من الشوق للاحزان مينا

لكن انت اللي لو ابطيت منّك
بنبطي من بعضنا ماشكينا