سألوني انا مين حسن الاسمر
سألوني أنا مين
قولتلهم أنا الأيام خانتني
وأنا الليالي سهرتني
والدموع سقيتني
الدموع سقيتني
أنا مين.. أنا مين.. أنا مين
أنا اللي كلي جروح وم الزمن مجروح
أنا الزمان هدني ولا حد بيودني
ولما أقول آآآه في ناس تقول الله
أنا مين.. أنا مين.. أنا مين
يا عيني كله جروح وم الزمن مجروح
أنا اللي تايه أنا ويوم عذابي بسنه
أنا مين.. أنا مين.. أنا مين
ماكانش عشمي ماكانش ظني
ماكانش أملي تجرحوا فيا
سهر الليالي وحب غالي
ألقاه آسيه
شايفين دموع عنيا حاسين باللي بيا
والنار آيده فيا
وجايين يسألوا
أنا مين.. أنا مين.. أنا مين
خدت العذاب أنا من بابه
يا حزن قلبي يا عذابه
قولولي اشكي اشكي لمين
وأروح بجرحي يا جرحي لمين
أنا والهموم أصل وصوره
دنيتنا آسيه ومهجوره
يا عيني ع البخت يا عيني
الدمع عمره ما ساب عيني
أحزاني حاولوا يعدوها
عدوا النجوم ولا عدوها
أنا اللي حزني مالوش آخر والفرح عني بيتاخر
آه م النار اللي أنا فيها الصبر كله ما يطفيها
أنا اللي توهت في أحزاني والمر ع المر رماني
الكل باعني وجرحني ولا ألف آه بتريحني
أنا اللي عايش وحداني ماليش صحاب غير أحزاني
لو كانت جروحي بتتكلم كانت تقول أنا باتألم
حرام عليكي يا دنيا حرام
يبقى إنتي والأيام ده حرام
الفرح غايب وناسيني وان جاني مره يبكيني
البخت مايل م الأول جايب أسى أول بأول
كتمت حزني وداريته وعشقت صبري وحبيته
سيرة اللي فات بتعكرني ياريت ما حد يفكرني
ارحمني منك يا زماني ارحم دموعي وأحزاني
الدنيا دي دارت بيا مالقيتش فيها إلا أسيه
غلبت أدور ع الراحه في دنيا أسيه وجراحه
أنا اللي ماشي ماشي يا عين
ماعرفش رايح أنا على فين
