الكذاب يتساب كلمات فهد السالم

الكذاب يتساب
وما يتندمش عليه
والبيّاع يتباع
ويومين بعده وتفوق
اللي معاك وأذاك
ما تسألوش أذى ليه
الأيام قُدّام
هتجيب كلّ الحقوق

مش مسموح بجروح
مفتوح الباب للي ناوي يروح
وفتحنا كمان يلّا الشبّاك
هتروق بقا وتفوق
مخنوق ليه يا قلبى
ما فيش مخلوق باعك
غير لمّا بيجرى وراك

ولا في هموم مفهوم
هتنام وتقوم عالهنا معزوم
ولا هرضى أنا ليك تاني يوم بجراح
ليه التعذيب ما يسيب
ويغيب واعتبره فحكم غريب
واهو يلا دا أخد الشرّ وراح

الغشّاش ببلاش
تبيعه واكسب فيه
ولا يتلام بكلام
اللي فيوم ما يراعيش
لا دموع ولا موجوع
ولا دمعة تنزل ليه
يلّا سلام وتمام
زي ما عاش انت عيش

مش مسموح بجروح
مفتوح الباب للي ناوي يروح
وفتحنا كمان يلّا الشبّاك
هتروق بقا وتفوق
مخنوق ليه يا قلبى
ما فيش مخلوق باعك
غير لمّا بيجرى وراك
وراك