اصيل هميم احنا الاثنين
اصيل هميم احنا الاثنين
على كثر الغلا والشوق
وما يُحكى عن الأحباب
أحبـك حُب..أنا نفسي عجزت أفسره للحين
وجودك في حياتي
سَجّل الدنيا في عيني غياب
خذاني وما أبي أدري..خذاني كيف ولاّ وين ؟!
فديت إحساسك الدافي
أنا وقلب ٍفي حبك ذاب
إلين أمسى يحس إنـّك “أنا”..مايدري احنا إثنين!!
وإذا قالو بلاه الحب
أبـدعي يا جعل ما طاب
أنـا قـرّرت حـرفـيـاً .. أخلـّي عـقلـي للبـاقيـن
[the_ad id=”177″]
أنا ما همت بك صاحي
أنا مـْودّع بك الألباب
أنا من زودك بصدري وخوفي من عذول البيـن
قفلتك في ضلوعي حب
في قلب ٍما له إلاّ باب
مفاتيحه في علم الغيب وما يـُفتَح ليوم الدين
أحبك لين ماله لين
فضا ما له مدى وحساب
وحتى عيـوبك أعشقها وأشيـَنـها في عيني زين
حياتي إنتَ وميلادي
مْ هو اللي من سنيني غاب
أنا عمري بـدايـتـنـا..وعمري بْهالثـلاث سنـيـن
من أشعار : الخود
صلاح الزدجالي | أصيل هميم
ألحان : صلاح الزدجالي
توزيع : وليد عبدالواحد
مكس : م.جاسم محمد
