مراسيل كلمات احمد كامل

ما تكلمناش وما كملناش
عاش بينا زمان
وإحنا ما عيشناش
ببعت مراسيل
ما بتسمعهاش
وحشاني يا ليل
وما بوحشهاش

بسألني إزاي
قلبها نساي
وإزاي بينا
ما بقاش فيه جاي
يا غياب يا طويل
إتهد الحيل
متساب لليل والليل رغّاي

وتفوت بيننا الليالي
وأنا بشكي لحالي حالي
وبخاف ليكون معاها
في ناس بتعيش بدالي

قلبي اللي زمان
إتفاتله بلاد
مش لاقي أمان
طول ما احنا بعاد
بعد أما فيوم
ما بعدناش يوم
بقى نفسه فيوم
يجمعنا معاد

أوقات في حاجات بتنسي حاجات
وحاجات في الروح بتسيب علامات
وانتي الإتنين ماضي وبعدين
حكايات بتروح تبدأ حكايات

وتفوت بيننا الليالي
وأنا بشكي لحالي حالي
وبخاف ليكون معاها
في ناس بتعيش بدالي