♫ كلمات أغاني خليجية

مرات رابح صقر كلمات

كلمات اغنية مرات رابح صقر

مرات حاجه تحدك وانت ما ودك
ومرات زود العشم يورث الخيبة
يردك اللي تحسبه يوم ما يردك
ويذلك اللي تبالغ في مواجيبه
x2

ما كل منهو تودد لك مثل ودّك
حتى لو أنه ملاك الحب والطيبة
واحذر تعلي مقامه ينقلب ضدك
ويحس انك ضعيف وحضرته هيبة

مرات حاجه تحدك وانت ما ودك
ومرات زود العشم يورث الخيبة
يردك اللي تحسبه يوم ما يردك
ويذلك اللي تبالغ في مواجيبه

لا تحسب ان الرفيق بيكسره صدك
ماهو بمثلك على الفرقا يشق جيبه
لا تحسب انك كريم بقلبك ويدك
الطيب طبعٍ يسمونه ترى عيبه
x2

لملم جروحك وعز الدمع عن خدك
صغِّر همومك تراها ماهي مصيبة
ردّه وحدّه مثل ما ردك و حدك
جازي فعوله بغيبة تلحق بغيبة

مرات حاجه تحدك وانت ما ودك
ومرات زود العشم يورث الخيبة
يردك اللي تحسبه يوم ما يردك
ويذلك اللي تبالغ في مواجيبه

زر الذهاب إلى الأعلى