متصوع عيضه المنهالي

الله ياني على لاماك متصوع
و من كثر صوعي أحس ب راسي صداعي
شفني من الوقت و الأيام متروع
ويا قاطع الوصل ترى الوقت قطاعي

يا كم لأهداب عينك شخص متطوع
و القلب منهم و عاذلته ولا طاعي
لو ينظرك راهب ولو شافك مطوع
إختل وزنه و في درب الهوى إنصاعي

ولو شم عطرك غزال مسكه يضوع
سكر على المسك في راسه و لك طاعي
لو شاف خصرك عسيف المهر الميوع
من غيرته منك عشّا خصره سباعي
و البدر لو شاف خدك غاب ما شوع
ولا شفت له في سنا خدينك شعاعي

يا مورد الخد لي فيه الصبا فوع
حسنك طبيعي و غيرك حسنه صناعي
لولاك ما ريتني في شعري أنوع
ولا استانس السمع والجمهور بابداعي