كل السكك متقفله نور الدين الطيار كلمات

انا كل حاجه انا وعكسها
بكرهه حاجات وبحبها
ببعد بعيد انا وارجعلها
وانا هعمل ايه

مبقتش عارف انا سكتي
مبقتش بحسب انا خطوتي
عايش لوحدي انا في دنيتي
وجعي مداريه

بكلم نفسي واعاتبني
قلبي تملي يتعبني
حبايبي بسرعة بتسبني
قوام وتروح

انا ليه الحزن غيرني
ووجع القلب كبرني
كلام الناس بيكسرني
وبعيش مجروح

جوايا كلام مين يتكلم
وبحاول من الدنيا اتعلم
قلبي موجوع وبيتألم
ازاي بيخونو الخاينين

جوايا دموع سالت مني
والجرح يوماتي يكلمني
وزماني الفرحه يحرمني
وكل الناس ليه كذابين

كل السكك متقفله
ومفيش جواب للاسئله
معرفش فين المشكله
والعيب في مين

نفس الحاجات متكرره
عارف حياتي انا قصيره
نفسيتي ليه متدمره
ودايما حزين

جوايا كلام مين يتكلم
وبحاول من الدنيا اتعلم
قلبي موجوع وبيتألم
ازاي بيخونو الخاينين

جوايا دموع سالت مني
والجرح يوماتي يكلمني
وزماني الفرحه يحرمني
وكل الناس ليه كذابين