طول ما رب الكون في عوني
هعيش وأموت ثابت وتد
لا هتعرفوا يوم تكسروني
ولا هتشفوني في يوم هدد
بتكعبلوني وتوقعوني
بتكعبلوني وتوقعوني
وفكل مرة بقوم أسد

أحذروا من هدوئي
وصمتي واختفائي
أنا زي الديب بنام
جهزلي هجوم فجائي
بسيب الكل يلعب
وأفضي ليكوا الملعب
وأول ما انول ألعب
بلعم على أعدائي

بغيب بغيب وبرجع
بسهم يصيب ويوجع
وبضربة وحدة أوقع
اللي عشوها في غيابي
بتفرج واقعد أسمع
وأسيب الكل يطمع
ومن عريني بطلع
وأكشر عن نيابي

أنا أسوق وكله يخدها جري
أنا فعل وانتوا كلامو هري
لو فاكرين ان لحمي ني
طب سدوا معايا في اللي جاي

أنا أسوق وكله يخدها جري
أنا فعل وانتوا كلامو هري
لو فاكرين ان لحمي ني
طب سدوا معايا في اللي جاي

بغيب بغيب وبرجع
بسهم يصيب ويوجع
وبضربة وحدة أوقع
اللي عشوها في غيابي
بتفرج واقعد أسمع
وأسيب الكل يطمع
ومن عريني بطلع
وأكشر عن نيابي

سايبكو تعملوا ما بدلكو
عشان مبحبش أتكلم
لكن في الفعل هبهركو
وأثبتلكم اني معلم
هشوف في غيابي من قدر
ومين كان جنبي واتبخر
ولما أرجع واخود وضعي
اخود حسابي اللي اتأخر

ببعد شوية واغيب حبه
وبمعلمة برد الضربة
ومهما بطول غيبتي
برجع بقضية ومرزبه

بنام بنام وأفوق
وأرجع أجمد وأروق
وأعلم ع اللي صدق
اني مخوخ وفاضي
محبش دايما أبدء
أسيب الكل يسبق
وأول ما أبدء أقلق
مبشوفش مين قصادي

أنا أسوق وكله يخدها جري
أنا فعل وانتوا كلامو هري
لو فاكرين ان لحمي ني
طب سدوا معايا في اللي جاي

أنا أسوق وكله يخدها جري
أنا فعل وانتوا كلامو هري
لو فاكرين ان لحمي ني
طب سدوا معايا في اللي جاي

بنام بنام وأفوق
وأرجع أجمد وأروق
وأعلم ع اللي صدق
اني مخوخ وفاضي
محبش دايما أبدء
بسيب الكل يسبق
وأول ما أبدء أقلق
مبشوفش مين قصادي