كلمات نموت ع الأول هجن الرئاسة عيضه المنهالي
نموت ع الأول هجن الرئاسة عيضه المنهالي
علم الغنيمه و الفخر نلفيبه
و خبر الحيا و الطيبين يبان
عيال زايد و اسمه نماريبه
لا صكت الحلقه على لبطان
كلنا خليفه و الفخر يزهيبه
سلام عز الدار بو سلطان
باسمه يهتف الطفل قبل الشيبه
و يباركون الحضر و البدوان
تبقى يا بو خالد شموخ و هيبه
حزام ظهر الشعب و الاوطان
على خطى زايد و ع ترتيبه
الله يدومك يا رفيع الشان
حن سيف يمنا وين ما توميبه
حمرن مواضينا على العدوان
زبيننا يبشر بعز و ثيبه
و خصيمنا يوم الوغى خسران
نموت ع الأول ولا نصخيبه
في كل مجال و فعلنا برهان
و النصر من عاداتنا نحريبه
من كوكب المريخ للميدان
[the_ad id=”177″]
بجهود بو زايد و فكر اييبه
باسمه فتحنا للنصر بيبان
هجن الرياسه كل رمز اتييبه
لا هنت ياسلطان بن حمدان
هذا الحمر لا من يحضر مصيبه
يذهل ألو الالباب و الاعيان
هجنه تنشل للهدف و تصيبه
و تسابق اهل البث و الازمان
فج النحور مظمرات سبيبه
الزور متبرز من البيطان
جثما العضى و مزبره مالحيبه
و اليوف كنه شوعي الربان
كلمات وألحان: مبارك بالعود العامري
الكلمات:
