كلمات موتي ياروحي – سيد فاقد المرسوي
كلمات قصيدة موتي ياروحي
موتي ياروحي الصبح شلعان گلبچ
حسين بعيونه حچي ويمكن يزعلچ
ياهو التنعوله يبچي ودار عينه
أهلي عدهم شي عليه وضامينه
حسين بعيونه حچي ويمكن يزعلچ
***
آخ من باچر يروحي وريت باچر طال فجره
حسين كل ساعه وشبگني وضماني اعله صدره
هوه يبچي وانه ابچي وحايره يصبرني اصبره
هوه سكته وانه سكته اثنينه امسككتنه عبره
چني أگله حسين مايرهم جفانه
اوهوه چنه إيگلي باچر مو اويانه
حسين منچ مستحي ومدري اشيگلج
حسين بعيونه حچي ويمكن يزعلچ
[the_ad id=”177″]
من امس سهرانه عيني وفايضه وماغمضتها
روحي كلساعه الها فزه وبيها تاكل سالفتها
كلهن التمن خواتي وكل اخت صاحت أختها
وحده كضت بيد وحده وإيدي كضت خاصرتها
روحي مامرتاحه كلش من سفرهم
كون اموت ولايخلوني ابظهرهم
ها يروحي ومحد إيحن الدمعتچ
حسين بعيونه حچي ويمكن يزعلچ
***
مااروحن وي خواتي وراح أظلن وحدي چني
هاي اول مره ابوي اشما اشوفه يدور عني
يبچن اعليه البنات ومن اجيهن يشبگني
اشما اريد ابچي اعله ابوي التمن اعليه وخذني
چنهن اموصيهن ايبعدني سكته
حسين مايگدر يشوف ادموع بته
حتـه من اوداعـه ياروحـي يحـرمچ
حسين بعيونه حچي ويمكن يزعلچ
[the_ad id=”177″]
يا إلهي ابجاه ابوي اتعجل ابموتك إلي
أرد اموت ابحظن ابوي وبين عماتي وهلي
امنيتي چانت من اموت ايشيلني الاكبر علي
ليش اظل ابداري وحدي ويمشي فارغ محملي
ليش اظل ابيت مابـي بس عطرهم
ولا اندل واطلع وادور عن خبرهم
موتي يوميه مسـافتهم اتحـلفـچ
حسين بعيونه حچي ويمكن يزعلچ
***
ربي كون الليله اموت اوبلكي روحي ايزول همها
اجنازه يمها حسين أحسن مـوش عدله وماهو يمها
ياهو منچن ماتردلي خل تگلي وخل اشمها
گلبي عاصرني الـرقيه ومن أمس ألهج بسمها
ازغار وإعله اعيونه امبين فقرنه
مدري ليش الدنيه ماترحم زغرنه
خوفي ياروحي الصبح محد يحملج
حسين بعيونه حچي ويمكن يزعلچ
اداء :: سيد فاقد الموسوي
كلمات :: احمد المشرفاوي
المكان ::حسينية وموكب الزهراء
