كلمات مهرجان كانو ملمومين حواليا – عصام صاصا

أوقات كتير
بعمل فيها اني شخص طاير من الفرح
أوقات كتير
بسكت وبكتم جوايا مهما انجرح
مين حس بيا
وفي عز خنقتي يجي ويطبطب عليا
مين حس بيا
مع اني كنت فيوم شايلهم جوا عنيا
جوا عنيا

كانوا ملمومين حواليا
علشان معايا فلوس
كانوا كل يوم جمبيا
مانا جيبي كان متروس
مشوفتش منهم حنية
مشوفتش غير كابوس
مبدأكو ماكنش ليا
مبدأكو دا للفلوس

هبعد بعيد
مانا أصلي متعود
أكون دايما وحيد
مفيش جديد
عايش حزين أنا في الحياة
ومش سعيد

داري الوجع جواك
واضحك وركب وش
أصل اللي راح واشتكى
ما سمعش غير معلش

لو فيك هموم الدنيا
طنش وما تبينش
دي الفرحة والله جايه
بس انت متستعجلش

خسرتيني
وقال ايه كنتي عامله ان انتي بتحبيني
ضحتكني
برافو بجد على كذبك أبهرتيني

خسارة فيكي الحب يا بنت الكلب جرحتيني
مانا كنت شايلك جوا القلب غدرتي وخنتيني
اخترت غيري انسيتي خيري علشان عليكي بخاف
لا بالسلامات كلك حوارات وانا راجل مش شفاف

حبينا ناس
كانم رخاص مطمرش فيهم حبنا
مشيوا وسابونا
وقالوا ياما كلام علينا في ظهرنا
نفس السؤال
بيجيلي كل يوم في بالي قبل اما نام
اشمعنا أنا
اللي الحياة مش مدياه اي اهتمام

تعبان وكل آلام وعامل اني أنا كويس
ما بقيتش عيني تنام
ما بقيتش واعي ولا مركز

خبيت في قلبي كتير
لا بحكي ولا بشرح ليلكم
وعشان ما كنش تقيل
ببان كويس وسطيكو