كده
بعد ما تكبروا
تاكلوا وتنكروا
وبتتقدروا مش بتقدروا
عاملين ناسيين

كده
كده تتدلعوا
أدي وتطمعوا
تاخدوا وتخلعوا وكمان تطلعوا
زي الباقيين

انا عامل قايمة سودة
بأسامي ناس حقودة
ومسيرهم يجوا تاني
دي الدنيا قد أوضة

كل اللي زادوا جرحي
كل اللي خانوا ملحي
ورا ضهري خلاص راميهم
وهشوف نفسي ومصالحي

كده
قلبي بتوجعه
عادي تودعه
يبكي وتسمعه ولا بترجعه
وتحن عليه

كده
طب شوف كام سنة
بسقيك الهنا
قولي ازاي بقى تبعد عني انا
عايز أعرف ليه

والله مكانش باين
انك كذاب وخاين
اتاريك حريف خيانة
وأنا واحد من الزباين

بعد اما شلتك في عيني
واديتك من سنيني
تكسر قلبي اللي حبك
ربنا بينك وبيني

أنا
حبيتك قوي
كبرتك قوي
خاين بالقوي جرحك كان قوي
وملوش دكتور

أنا
قلبي هعلمه
اللي هيظلمه
واللي هيكسره يمشي ويخسره
والله يغور

حبيت ولقيت قسية
عمال بتدوس عليا
وشايلني من دماغك
وانا شايلك بين عنيا

هنجح ودا انتقامي
بكره هتعرف مقامي
انا اسف دي الحقيقة
خسارة فيك كلامي

بلا
حب وبهدلة
طيبتي دي مشكلة
مش هضعف انا ولا هرجع انا
هقبل تجريح

بلا
حب بمصلحة
ناس مستنصحة
ياكلوا وينكروا ولا بيقدروا
وبينسوا صحيح

انا هبقى حد تاني
لو حتى هكون أناني
ونفسي ثم نفسي
الطيبة مخسراني

اديت كتير وخانوا
وفعز جرحي بانوا
الدايرة خلاص هتفضى
كله هيرجع مكانه