قلِّب في الدفاتر تلقى الشعر بيحكي عنا فاكر
أيام ما كنا بنحلم نبقى تحت ضل ساتر
قل اللي بينا بالأيام وصبح كلامنا فاتر
مش لاقي حد غيرك حتى في البعاد اغازل

آخر الطريق ملقيتش غير لحني حزين
جف البكا من فرط صبري عالسنين
صدق اللي قالك ان بعض العشق دين
جف البكا معادش باقي فعيني شيئ

غريبه عاشقك حتى وانتي مش هنا
انا لسا باقي عاللي بينا صورنا لسا تدلنا
كانت الشوارع في شتا الليالي تملنا
قلبي متيم بيكي ويشهد عليا ربنا

انت صبرك كله خير
انت حزنك ابقى غير
انت اعمى بس طير
على اي مرسى يوماتي ترسى
انت فوقت ولا لسا

والليل سهرلك خوف البن ليك موصوف
النور محاوطك شوف ولا بعيد لسه
رديت وقولت إنسى

صفر اللي جالك من شمالك زادك شيئ
جمعك واصبحت تبكي من لا شيئ
صفر اللي جالك من يمينك غم عليك
بقيت تزيد نفس الهوى من بعد عطش الليل

بقينا فين روح تشتاق تتمنى نظرة عين
وبقينا فين روح تشتاق تتمنى نظرة عين
قولي انت فين

آخر الطريق ملقيتش غير لحني حزين
جف البكا من فرط صبري عالسنين
صدق اللي قالك ان بعض العشق دين
جف البكا معادش باقي فعيني شيئ