في بداية الموضوع كان نفسي بس اروح امريكا
ما كنش نفسي في راب وشهره واي حاجة كبيرة
يمكن كنت باصص تحت عشان السكه لفوق بعيدة
بس فجأه قلبي مات في ظروف مريبه

وا معرفش ليه فجأه بقيت مُصر
اني اكون مفيد رغم اني كنت اكتر انسان مضر
قولتلها انا كأحمد محمد عبد المجيد أُقر
انك قمر وانا هخلي القمر يشهد اني نجم

وسبت ايدها عشان اعرف اركز اكتر
لسه محتاج وقت افكر ازاي هبني الكراكتر
المانجا موهبه والسكر نجاح
وانا للأسف كان في ايدي شوب المانجا ومش مسكر

كنت موهوب وعايز فرصه
مستنيها زي موظف كان مستني سهم البورصه
بس الشارع علمني وقت الضيق بتفرج
نمت حلمت ان البواكي هتبقى معايا بكرا

كل ما تطفي النار أئيد مش عطلان اكيد
خليت كل اعدائي وكل الناس مستغربين
داسوا وفرموني قومت صاغ سليم
قومت صاغ سليم قومت صاغ سليم

كل ما تطفي النار أئيد مش عطلان اكيد
خليت كل اعدائي وكل الناس مستغربين
داسوا وفرموني قومت صاغ سليم
قومت صاغ سليم قومت صاغ سليم yeah

احياناً كان بطئ اسلوبي
والاصرار ماكنش موجود زيه زي خدودي
فا/قتنعت انه لازم يزيد مجهودي
مهو النجاح بيعور بس حلو زي التين الشوكي

فا/تغربت عن البيت وعن الاهل
عن الناس وعن الجهل
شغل لحد بعد الفجر ومحلتش

ماكنتش بخلي من السف
كنت بخلع من السهل
وعضمي ينشف من الصعب
ومجلتش

العيب تقصر
مش عيب تحلملك بقصر
والميزه انك تنفز كل اللي فراسك بالنص
قولت اني هلف العالم حالياً حاسس بالنصر
والسنة دي عملت اكتر من 6 حفلات بره مصر

والدنيا ظاطت بشتري من غير مسأل بكام
النجم في دبى مول ومودي مع عمر عماد
ومحمد كرستيانو وتوني ومع كل الشباب
المول مزرعه فراخ فبنأفش في الدريبات وبس كدا

كل ما تطفي النار أئيد مش عطلان اكيد
خليت كل اعدائي وكل الناس مستغربين
داسوا وفرموني قومت صاغ سليم
قومت صاغ سليم قومت صاغ سليم

كل ما تطفي النار أئيد مش عطلان اكيد
خليت كل اعدائي وكل الناس مستغربين
داسوا وفرموني قومت صاغ سليم
قومت صاغ سليم قومت صاغ سليم yeah