كلمات شيلة نكبة زماني غريب ال مخلص وعبدالله الأهدل كلمات الشيلات

كلمات : الريم الحارثي
ألحان : غريب ال مخلص وعبدالله الاهدل

والله اني منجرح بالحيل بس آكابر
من هقيته يمسح دموعي عمد بكاني

من ورى عُوج الحنايا سهم غدره سابر
اووووف ، كيف انه طعني صاحبي وادماني

آتصبر ، واتسلى .. يامعين الصابر
الحزن ينهش بقلبي والتهب وجداني

ليتني القى غريب من حياتي عابر
في محطات العمر وابوح له باحزاني

لما اعطيته حناني
صار مغرور واناني
ياوجع قلبي وطبه

ليه يتركني اعاني
ليه يرحل في ثواني
انا من بعده بغربه

انا غيرني زماني
انولدت انسان ثاني
عايشٍ من غير قلبه

والحبيب الي نساني
واكبر جروحه هداني
لين مـا مليت قربه

في سبيل احلام عمري لي سنين آثابر
كل ماطاحت عزومي احتزم بـ ايماني

من جبر عثرات غيري للخواطر جابر
الله الي ذا خلقني ،، ماهو بـينساني

ليت ترجع كل حاجه مثل مــاني خابر
كان ما امشي بأي دربٍ للهوى وداني

ابتسم واقول عادي ، و انهدم واكابر
كل جرح يموت وانسى ينولد من ثاني

ما وفى مره عشاني
يوم فيــه الله بلاني
يحسب ان الحب لعبه

ليه يرضى في هواني
ادري ان العمر فاني ..
باشتكي ظلمه لربـه

كنت اظن انه اماني
حتى خانتني الاماني
والدمع عيني تصبه

صار هو نكبة زماني
بالعمر اتعب واعاني
اه يا ظُـلم الاحبه ..