كلمات شيلة نسيته محمد ال بريك
كلمات اغنية نسيته محمد ال بريك
علموه اني نسيته ماله بقلبي مكان
هو بكيفه بعد م اختار الجفا خله يروح
المحبه كان مافيها اهتمام وصدق كان
كنها ديره بلا ناس وجسد من غير روح
قد نصحته والنصيحه مايعوضها الزمان
فرصةً ماهي تكرر لو يعمر مثل نوح
قلت تكفا ياطموح العمر من بعض الهوان
كانها ماهي على شاني على شان الطموح
عنفوان الحب سور العشق والطف عنفوان
والصراحه ودي انا مابنينا له صروح
[the_ad id=”177″]
والامور ان كان مافيها تلافي واحتضان
تستثير العاشقين وتجبر العاشق يبوح
الكرامه خير من حبً يوردك الجنان
فيه شي من الغموض وفيه شي من الوضوح
والفراق بحد ذاته طيحةً تهدم كيان
وانا متهالك من الصدمه متى همي يزوح
مره اتغلب على الواقع بقوه واتزان
ومره اقول الزمن ماجاز عن بعض المزوح
قدر الله ولطف واللي حصل كبوة حصان
الهوا مايقدر يقيم بعيدين الشبوح
احسب ان الحب مدلوله على كثر الحنان
وهو سبب بعض الجروح ، الا سبب كل الجروح
ضعت في (الوجه السموح) اللي ملك سحر البيان
والله انه لايسامح راعي(الوجه السموح)
كلمات الشاعر : فيصل بن منيع
أداء والحان : محمد ال بريك
مكس وتوزيع : حازم الأبيض
