كلمات شيلة حالتي حاله كلمات بندر بن عوير

يا الله انك لا تواخذني بفعل ذنوبي
واغفر لزلة لساني ولقصور ايديّه
انت ياربي تعرف امرادي ومطلوبي
يوم أطيح انك توقفني على رجليّه

يا نما لا تمشي اللا ماخذٍ مكتوبي
وصلّه بيت الكريم معذب الطرقيّة
صاحبي واللي بلا صاحب ولا مصحوبي
عزتي له لو خذاله صاحبٍ عاريّه

حالتي حالة عسى ربي يحل كروبي
السهر خلّى تحت عيني كذا ماريّه
كل ما جريت صوتي في الخلى راحوبي
لين اشرق دمعتي واهلها عبريّه

يا طبيب أهل الهوى كل الدروب دروبي
وانت عندك حاجتي لعلّها مقضيّة
عودني مُر وتقهوى دمي المصبوبي
جدّد الفنجال واقدع تمرةٍ صفريّه

يا بعد من قال لي لبيه وين آذوبي
في ايدك واللا نحرك اللا بذوب هنيّه
بين ضلعين تزم ووادي مسحوبي
أجردٍ مابه شجر وان جيته ألقا فيّه

من عيونك والرموش المسبلة واحو بي
ومن كلامك يا بري حالي ويا ويليّه
ان عطاك الله جمال اليوسف اليعقوبي
اللهم لا اعتراض وسجدتي مثنيّه