عن الاشواق لاتسأل
انا واضح علي ولهان
سنين البعد اظنتني
وعمري ضاع في النسيان

خساره ضاعت ايامي
نصيبي في الحياه احزان
ضروف الوقت تجبرني
اواسي الروح بالكتمان

تخليني احبك ليه
و نهايتها معك خذلان
غرامك صار عنواني
وانا قبله بلاعنوان

تجازيني علا حبي
بنار الصد والهجران
بعد ما صدق حبيتك
تقول لي جرب النسيان

ابنسى بس كيف انسى
و انا فيني وله و اشجان
ترا الحب اللي نسيته
انا في داخلي للآن

مضى عمري وانا اتألم
وعشت بدونه الحرمان
ولمين لمين اتكلم
ولاعاد ف الحياة انسان

و باقي الناس ما ترحم
و صدري من العنا مليان
عن الاشواق لاتسأل
انا واضح علي ولهان

كلمات شيلة بلا عنوان بدر العزي

كلمات :عبدالرحمن السوادي