كلمات شيلة انفاسك دخون ماجد الرسلاني كلمات الشيلات كاملة

كلمات : عبدالله الرسلاني

لبيه يا عودك الريان يا الجوري
هيبة اناقة رشاقة كشخة وسكبة

من كثر ما جسمك المنحوت اسطوري
الجنز ماهو مصدّق يلمس الركبة

كنه يقول : النعومة ضيعت دوري
وكنها تقول: اللي ما يبغاك وش لك به؟

أنفاس عطرك شذاها يأسر شعوري
أتنفسه، كني أتهجا حروفك به

انتي “انفاسك دخون”، و أجمل عطوري
من جمرتين الشفايف شفت نارك به

عيونك اكبر نجاحاتي و جمهوري
واشوف الاحلام في شعرك تشابك به

صوّر وغيض بسنابك كل مشهوري
وتكتك بسحر الكلام اللي تتكتك به

مفروض صوتك يجي مع سلم الدو ري
مالك ومال الوتر، والعود مالك به

إليا ظهرتي تقول احلاهن: (أم سووري)
احلى العذارى ؛ تشوف بطلتك نكبة

كلٍ تبي من سنابك صورة (ستوري)
ما تدري انه حضورك ما يشارك به

لا ملكي جسمك، ولا هو بجمهوري
كم ذنب مسلم ليا قفيت ترتكبه

لا عاد تمشي مع الأسواق، طع شوري
زولك يزيل العقول الله يبارك به

مدري من الجسم والا عيونك الحوري
والا رموش ن قوي القلب تفتك به

ياللي بغمازتينك ناري ونوري
حمرة خجل وجنتيك احياه واهلك به

تسلطني يا ملاك الحسن و سروري
ما فيه لحظة تمر الا وطيفك به