كلمات دبابة سداوي ويسرى الجندي

كلمات أغنية دبابة – سداوي ويسرى الجندي

ببص في المرايه لاقيت نفسي تخنت
قررت اعمل دايت عايز اخس خلاص زهقت
راهنت نفسي وحطيت تارجيت شهر وهبقى فيت
هاكل مسلوق ومشوي وباقي نظامي من عالنت

هشتري هدوم جديده وهجيب عشرين كوكس
هبقي مدمن للاماينو زي مدمن الاستروكس
لما هنزل مع صحابي هنزل بازازة الديتوكس
واللي يقولي بوظ دايت هياخد ميت قلم وبوكس

هتحسب كيلوتات كل الكاليري وكل الكارب
ولو زودت في يوم جرام هتقوم في الدنيا حرب
فات بيرن من برا عشان ما يكونش دربكه
تبقى مظبط كل حاجه وماشي ميري شورت

ماشي ميري شورت ماشي ميري شورت
مظبط كل حاجه وماشي ميري شورت

هجيب شورتات قصيرة ومش هداري فخادي
قميصي جوا الشورت فرحان بتوكة حزامي
ماشي شايف الأرض مش شايف كرشي قدامي
هبقى ماشي لوحدي مش ماشي معايا جنابي

جامد عاش دبابه
جامد عاش دبابه
جامد عاش دبابه
جامد عاش دبابه

هصرف كل فلوسي واروح اغلى جيم
وفي كل ويك اند في الجاكوزي هستجم
ومعايا مدرب خاص بفلوسي لا ده مش مهم
وهجيب كام طقم ماركه والسماعه ال جي بي ال

البينچ باي دهر تراي
كتف رجل اربع مجاميع
كل مجموعه عشر عدات
مسمعش كلمه ولا شكوى يا واد

بقيت موديل اعلانات وكل يوم تصوير
بطولات كتير في الخارج كل يوم تكريم وزير
وفي لحظه سوده قومت لاقيتني لسه عالسرير
ببص في المرايه لاقيت جسمي نسخه من الزير

اتاريني كنت بحلم هعيط من الساسبنس
قررت احقق حلمي خلاص هرشت السنس
وانا نازل احقق حلمي ملقتش عندي نفس
قررت اعزم صحابي على كبده من البرنس

جامد عاش دبابه
جامد عاش دبابه
جامد عاش دبابه
جامد عاش دبابه