داخلين السنة دي خفاف
برواقه لذاذ ولطاف
وان حد حاول يضايقنا
بنشوفه هوا وشفاف

وفهمنا خلاص خسارتنا
دي سببها سوء اختيارتنا
هنعدل بقى المواضيع
ونحاول نلاقي راحتنا

أول حسابتنا نهتم بنفسيتنا
واللي هييجي على مزاجنا
نعمله من غير تفكير
سنة حلوة سعيدة
بادئة بشخصية جديدة
والحزن هياخذ تأبيده
خد من أيامنا كتير

داخلين السنة دي حلوين
عالرايق أوي وعاقلين
منردش على اللي بيبعت
ينكشنا ونعمل seen
مفيناش حيل لاي عتاب
ومشاكل بدون أسباب
ماهي حلوة الحياة ما نعيشها
مش ناقصه تعب أعصاب

أول حسابتنا نهتم بنفسيتنا
واللي هييجي على مزاجنا
نعمله من غير تفكير
سنة حلوة سعيدة
بادئة بشخصية جديدة
والحزن هياخذ تأبيده
خد من أيامنا كتير