كلمات بغرق على بحر نداله عصام صاصا

أنا مضايق من نفسى
وكل ما بزعل بتحول
فاقد ما بقتش رومانسي
ومش طيب زي الأول
انتم ماشين على حسي
وجيبكم مني بيتمول
آه يا دنيا عافيه بتقسي
شكل الأحزان هتطول

أيامي مسلسل فاشل
عشان المخرج كان قلبي
طيب على هيئة قاتل
وشلت ذنب مهوش ذنبي
مشكلة بتجر مشاكل
ومافيش حد واقف جنبي
كلها عايزاني اتاكل ومليش
صاحب غير صاحبي

خلاص خلصت ما بينا سلام
وياللي غدرتو فرقوني
بقت من غيركو عشتي
تمام بجد ومش وحشتوني
كلام في كلام يجيب في آلام
كفايه عتاب خنقتوني

رميت الخوف من الشباك
وحادف نفسي عالخطر
وعايش عمري وسط عراك
وقلبي مقطعو بقطر
يا خصمي عنيا مش شايفاك
مخفش ما كل شئ قدر

بغرق على بحر نداله
وكلها واقفه بتتفرج
بكتب زعلان عالحالة
بلاقي الأندال بتهرج
خلق رخيصة بتتعالى
والخواف بقا يتثورج
دنيتي خربانة تعبانة
بس بعون الله هتفرج

مخنوق من كل زمايلي
آسف مضطر اهرب منهم
ازاي يبعوني متقولي
اللي أنا كنت بشيل عنهم
ريَّحت دماغي أحلالي
أنا مبقتش أعرف مالهم
لو كنت رخم أو حاجة
همشي خلاص وأسيبها لهم

طريق الجرح والأحزان
دا روحت عليه برجليا
بقول البعد أحلى مكان
عشان الحب مش ليا
غرقت وتوهت في الدخان
وشايف موتي حواليا

في وقت الشدة قالو غياب
ونسيو العشرة في دقيقة
وقافلو قصادي تلاتين باب
في أيام صعبة وبطيئة
اوعى تقولي دول أحباب
اللي سابوني في الضيقة

بشرب وبزود شرب وبجي
على نفسي وبزيادة
أنا داير جوايا حرب
ومش فاهم روحي كالعادة
أوقات نفتكر القرب
أحسن في حياتنا ونتمادى
نفتكر ان احنا الغرب
ومشوفناش أي سعادة

مش كل اللي بيضحكلك
بيبقا حبك من قلبو
دي الناس وقتي بتسلكلك
وهما أصلا بيحاربو
اركن قلبك من فضلك
ما الخاين هيشيل ذنبو
زمن اللي معاه قرشين تلقى
الكل لازق جنبو