كلمات انا احتاجك – عبدالله ال فروان

تعبت اقول مافيني وانا فيني وانا فيني

انا فيني اختناق شعور لو تدري يبكيني

يبكيني يبكيني ولو تدري عن الي صار

تدهور حال حيرة بال دمعه ودعت عيني

يتيم شعور والا قسى من اني بك يتيم شعور

هو انك كنت تحلف لي وتقسم ماتخليني

وتخليني عقب عهدك عقب وعدك ابفهم ليه

واذا عزمت وابترحل تعال وخذني بايديني

ابرحل معك مدري وين ابرحل معك للمجهول

انا مابيني وبيني اقول اخذني م ابيني

وتبغاني بعدك اعيش في غربه من التهميش

بلا موطن بليا انت ترضى الحزن يأويني ؟

[the_ad id=”177″]

حزين ومنكسر جدا ومتشتت واحس اني

فقدت الي وجوده في حياتي كان محييني

بموت من الوله بعدك ومن شوقي ومن خوفي

ومن ذكرىً معي تاكل وتشرب من شراييني

حبيبي وش حصل فيني تعال وشوف مايحصل

تخيل في غيابك كل شيء قد حصل فيني

ولاني قادر ادله عنك لا والله ما اقدر

ولاني قادر اتناسى غراماً بينك وبيني

واذا النسيان بينسي فلا حي الله النسيان

انا ماني ابي انسى انا احتاجك تنسيني

كلمات : وليد بن محمد اداء : عبدالله ال فروان مكس : حازم الابيض